आपुलिया हिता जो असे जागता । धन्य माता पिता तयाचिया ॥१॥

 आपुलिया हिता जो असे जागता ।

धन्य माता पिता तयाचिया ॥१॥

आपुलिया हिता जो असे जागता ।

धन्य माता पिता तयाचिया ॥१॥

कुळीं कन्यापुत्र होतीं जीं सात्त्विक ।

तयाचा हरीख वाटे देवा ॥ध्रु.॥

गीता भागवत करिती श्रवण ।

अखंड चिंतन विठोबाचें ॥२॥

तुका म्हणे मज घडो त्याची सेवा ।

तरी माझ्या दैवा पार नाहीं ॥३॥

अर्थ

ज्याला आपल्या हिताची चिंता असते, ज्याला आपले हित कळते त्याचे माय बाप धन्य आहेत.ज्या कुळामधे सात्विक वृत्तीची मूली – मुले जन्माला येतात त्या कुळाविषयी परमेश्वरालादेखिल हरिख वाटतो .अशी सात्विक वृत्तीची मुले गीता-भागवत श्रवण करतात, विठ्ठलाचे अखंड चिंतन करतात .तुकाराम महाराज म्हणतात अश्या लोकांची सेवा माझ्या हातून घडली तर माझ्या सारखा भाग्यवान मीच ठरेल